मोक्ष साइड इफेक्ट्स

 १


चार मर्डर केलेले गुंड 

सभ्यतेला टर्म्स कंडिशन डिक्टेट करतात 


नरकातला राखीव राजकारणी कोटा संपलाय 

नवीन नरक निर्माण होतायत 


लायकी असलेले लोक 

लायकी नसलेल्या लोकांच्याकडून नियंत्रित होतायत 


वाळवंटात गेले तर वाळू काळी वाळू करून 

तिचे शॉर्टेज निर्माण करेल अशी जमात 

सर्वत्र 


ह्या सिलिकॉन युगात 


बॅलेट पेपर टिश्यू पेपर झालाय 

आणि इश्युज बुलेटसारखे लोडेड 

पण न उडणारे 


रक्त पक्षांतर सांडत चाललंय 

आणि आयडियालॉजी रक्तबंबाळ 


तू एक सामान्य 

राजकारणाची कॅडबरी 

गोड बनवत कितीकाळ खाणार आहेस 


२


राजकरण गुंडांचं शेवटचं आश्रयस्थान राहिलेलं नाहीये 

ते गुंडांचं गुंडगिरीनंतरचं नेक्स्ट करिअर झालंय 


नैतिकता कायद्यात इम्पॉर्टन्ट बनवून 

प्रशासनात इम्पोटन्ट बनवणारी प्रोसेस 


तुझं मत फक्त कुठल्या गुंडाला विजयी करायचं 

एव्हढंच ठरवणार असेल तर 

स्टुपीडिटी स्पायडरमॅन बनून उडेल नाहीतर काय ?


तुझं मत आणि पक्षाचा ओपिनियन 

ह्यांच्यात अंतर काय ?


मतदान अद्याप कायदेशीर आहे 

कारण ते बेकायदेशीर ठरवण्याची गरज त्यांना नाही 


स्वातंत्र्य कुठल्या गाढवीचं नाव नाही 

मतदानाचं आहे 


३


नेते कि कुत्रे 

असा प्रश्न आला तर 

लोक कदाचित कुत्रेच निवडतील 

आणि नेत्याचा अदृश्य पट्टा 

आपल्या गळ्यात बांधतील 


ज्ञान ज्याचं मूळ आहे 

नैतिकता जिचं कुळ आहे 

ते असं कुणी बिघडवलं ?


लोकांना स्वतःची नैतिकता ठरवता येत नाही हे कुणी ठरवलं ?


राजकीय वास्तव केवळ विनोद म्हणून कोण सादर करतं ?

आणि राजकारणाला करमणूक समजून कोण हसतं ?


आपण कुऱ्हाडीसाठी आपल्या देहाचं लाकूड द्यावं 

आणि लाकूडतोड्यानं आपल्याला झाड समजून आख्ख कापावं ?


शेवट सभ्य होण्याचे दिवस संपले असं समजावं का ?


श्रीधर तिळवे नाईक 

(मोक्षाच्या कविता ह्या काव्यफाईलीतून )

Comments

Post a Comment

Popular posts from this blog

मार आणि हर श्रीधर तिळवे नाईक  महाराष्ट्रामध्ये फार प्राचीन काळापासून दोन सर्व समाज अस्तित्वात आहे आणि हे दोन्हीही लढवय्यांचे समाज आहेत  पहिला मार आणि दुसरा हर यातील मार या शब्दाचा अर्थच नेतृत्व करणारा असा आहे हा एक सतत युद्धाला तयार असलेला समाज होता तो शांत होता आणि तुळजाभवानी ही त्याची कुलदेवता होती तर खंडोबा हे त्याचे कुलदैवत होते ह्यात प्रामुख्याने कुणबी म्हणजे शेती करणारे लोक येतात त्याचबरोबर पंडित लोक सुद्धा यामध्ये येतात जे पुढे ब्राह्मण झाले पण प्रत्यक्षामध्ये महाराष्ट्रातील 99% ब्राह्मण हे मूळचे पंडितच आहे आणि या लोकांनी आता पुन्हा पंडित व्हावे हे बरे हेच लोक मार म्हणून बौद्ध वाङ्मयात अनेकदा येतात कारण ते संपूर्ण भारतभर पसरलेले होते मारणे मारामारी करणे वगैरे सर्व क्रियापदे आणि नामे ही या मार शब्दापासूनच तयार झालेली आहेत साधारणपणे इसवी सन दुसऱ्या शतकाच्या आसपास उत्तरेकडून इरेशन ब्राह्मण भगत लोक आले आणि त्यांनी महाराष्ट्र बिघडवायला सुरुवात केली. मात्र त्यांना यश मिळायला तब्बल सात शतके जायला लागली पण आश्चर्यकारक इथे आहे लोक चिकाटीने हा समाज कसा फोडता येईल याची वाट पाहत रा...
Read more

शैव श्रुती का आवश्यक आहे

पुन्हा एकदा श्रीधर तिळवे नाईक  आनंद मोरे यांनी प्रश्न विचारलेला आहे  शैव वैष्णव आणि धर्मनिरपेक्षतावाद याबद्दलच्या तुमच्या पोस्ट्स वाचताना नेहमी एक प्रश्न मनात येतो की धर्मनिरपेक्ष लोकांनी शैवधर्म स्वीकारावा असं तुमचं मत आहे. पण ज्याप्रमाणे वैष्णव आणि धर्मनिरपेक्ष लोक सत्ताकांक्षी आहेत त्याप्रमाणे शैव स्वतः सत्ताकांक्षी नाहीत का? आपण संपूर्ण भारतभर आपल्या शैवधर्माचा प्रसार करुन संपूर्ण भारत शिवमय करावा अशी आकांक्षा त्यांच्या मनात नाही का? आणि नसेल तर सत्ताविन्मुख होणाऱ्या गटाचा धर्म स्वीकारून धर्मनिरपेक्ष लोक सत्ताकांक्षी वैष्णवांचा मुकाबला कसा काय करु शकतील? सर्वात प्रथम तुम्ही एक जेन्यूइन प्रश्न उपस्थित केला त्याबद्दल तुमचे अभिनंदन !  सर्वात पहिली गोष्ट जो खरा वैष्णव असतो तो राम कृष्ण हरीच्या मागे लागतो सत्तेच्या मागे लागत नाही जो शैव असतो तो शून्याच्या मागे लागतो 0 प्राप्तीच्या शून्य अवस्था प्राप्त करण्याच्या मागे लागतो सत्तेच्या मागे लागत नाही  तर आता एक टेंडन्सी म्हणून पाहू . सत्तेची आकांक्षा सर्वच माणसांच्यात असते त्यामुळे आपणाला असे म्हणता येत नाही की ती शैव लो...
Read more
 बहुजन लोकांचा गेलेला आत्मविश्वास श्रीधर तिळवे नाईक  कुठल्याही समुदायाचा आत्मविश्वास घालवायचा असेल तर त्याचे श्रद्धांतर घडवून आणा एकदा का त्याच्या श्रद्धा हलल्या की आपोआपच सर्व आत्मविश्वास देणाऱ्या गोष्टी हालायला लागतात धर्म हा यासाठी जन्माला आलेला असतो ती एक राजकीय सत्ताप्रणाली असते जी संपूर्ण युग त्या युगातील सत्ता ताब्यात घेते . वास्तविक ब्रम्हांड किंवा निसर्ग आणि मनुष्य यांच्या मधले नाते हे एक अत्यंत स्वाभाविक नाते असते. मनुष्य सहजरित्या नैसर्गिक असतो आणि या नैसर्गिक नात्यासाठी त्याला कुठल्याही दलालाची गरज नसते. तो स्वतःच त्याच्या आसपासच्या पर्यावरणाशी पर्यावरणनिष्ठ असतो त्यातूनच त्याची प्रथम श्रद्धा प्रणाली आणि नंतर मोक्ष प्रणाली तयार होत जाते त्याचे स्वातंत्र्य अधिकाधिक वाढत जाते कारण तो आपल्या आसक्तींच्यावर हळूहळू यमनियम पाळत विजय मिळवायला लागतो याचा एक परिणाम असा होतो की जे मांत्रिक असतात त्यांचा धंदा धोक्यात येतो आणि या लोकांना स्वतःचा धंदा करायचा असेल तर हे नाते परवडणारे नसते साहजिकच मग माणसाचे निसर्गाशी असलेले नैसर्गिक नाते तोडून त्याला अस्तित्वात नसलेल्या परलोका...
Read more