नेट स्पंद

 माझा देव कधी झोपलाच नाही 

कधी जागलाच नाही तर 

झोपणार कसा 


मी म्हणालो 

तुला कुठल्या मूर्त आकारात टाकू 

तर म्हणाला 

मी मुर्त्यांचा कारखाना टाकला 

म्हणून तर ही जीवसृष्टी आहे 

माझी मूर्ती तुम्ही मर्त्य लोक काय बनवणार 


मी म्हणालो 

मग बाई का जन्माला घातली ?

तर म्हणतो 

मुर्त्या जन्मताना मी विचार करत नाही 

मूर्ती मेल कि फिमेल 

जेल झाली कि झालं 


माझ्यापुढं प्रश्न आता वारी लावू का नको 

तर प्रश्न कळल्यासारखा म्हणाला 

जे कालातीत आहे 

त्याला काय आषाढ आणि काय कार्तिक 

काय एकादशी आणि काय पौर्णिमा 

मी काय तुमच्या चंद्र सुर्याइतका लिमिटेड आहे का 

माझ्या एका थेंबात करोडो सूर्य अब्जावधी चंद्र 


मी मग वारीचा सगळा तामझाम उधळून टाकला 

आणि नाचायला सुरवात केली 

तर मला माझ्यासोबत डान्स करतांना दिसला 

मी काय विचारणार इतक्यात म्हणतो 

"गॉड म्हणजे काय पप्पू वाटला तुला? 

कि गॉड कान्ट डान्स साला म्हणतोयस  ?

नाचत  रहा 

म्हणत

गॉड इज डान्स साला "


(नेट सिरींजमधील नेट : स्पंद ह्या अप्रकाशित काव्यफाईलीतून )

Comments

Post a Comment

Popular posts from this blog

 ईश्वर, देव, God, उपयुक्ततावाद ,व्यवहार वाद, आणि सत्य २ श्रीधर तिळवे नाईक गेले दोन दिवस जावेद अख्तर यांच्यामुळे आणि God बद्दल जो लल्लनटॉप वर वाद झाला त्यामुळे एक चर्चा सुरू झालेली आहे. याबाबत शैव काय म्हणतात आणि ईश्वरी संकल्पना काय आहे हे सांगणे आवश्यक वाटते म्हणून हा सर्व खटाटोप पुन्हा करतो आहे. यातले सर्व मुद्दे पूर्वी मांडले गेले होते फक्त ते वेगवेगळ्या लेखात असलेले यानिमित्ताने एकत्र आणतो आहे . शिव सत्य असेल पण ईश्वर सत्य आहे का हा खरा प्रश्न आहे ? याचे कारण असे की शिव म्हणजे शून्य शक्ती म्हणजे अनंतता ! यांनी मिळून संसार निर्माण होतो आणि या संसारामध्ये शिवाची जी उपस्थिती आहे ती महाप्राणाची आहे आणि हा महाप्राण म्हणजे ईश्वर होय ही शैवांची संकल्पना आहे . याचा अर्थ स्पष्ट आहे की ईश्वर हा चौथ्या क्रमांकावर आहे पहिल्या क्रमांकावर नाही आणि मुळातच ईश्वर ही संकल्पनाच शैव लोकांनी जन्माला घातली . ती आधी कुठल्याच श्रद्धेत नव्हती धर्मात नव्हती . या ईश्वराकडून या महाप्राणाकडून आणि शक्तीकडून जीवन आणि जीव निर्माण झाला आणि या जीवामध्ये जो प्राण आहे तो प्रत्यक्षात महाप्राणाचा भाग आहे प्राण आणि ...
Read more

चॅनेल dnya : love live in love out

 प्रेम  प्रेम न्हवतं तुझं  आणि आय लव्ह यु म्हणत राहिलीस  आत असुरक्षिततेचे कोंब  आकांत आणि निष्ठुर बोंब  मी इमानदारीने कान देत राहिलो  माझा वास घेतलास  कि तुझं फूल व्हायचं नाही  फक्त येणारी उलटी तू दाबून ठेवतीयेस  असं वाटायचं  मग संशय घेतला कि तुझं आय लव यु  मी तुझी इमोशनल सपोर्ट सिस्टीम होतो का  आपत्कालीन आधारविमा  भेटीतल्या उत्कंठा  केवळ डोळ्यांच्या हालचाली होत्या का ? कि मी तुझी फक्त सवय होतो ? जीव तर पाळलेल्या कुत्र्यालाही लागतो  मी तुझा पाळलेला प्रियकर होतो का ?  प्रेम आणि मैत्री ह्यांच्या दरम्यान सख्य असते  मी तुझा सखा होतो का  कि मला कसं डिफाइन करायचं हे न कळल्याने  माझ्याबाबत काही डेफिनिटी ठरवता येत न्हवतं ? माझं प्रेम एकतर्फी  तू नेमकं कशासाठी दुतर्फा केलंस ? इमोशनल ट्राफिक ज्याम करण्यात  आपण दोघेही ज्याम वस्ताद आहोत  गाड्याच इतक्या पार्क करायच्या  कि रस्ता उरूच नये  मी पुरेसे एफर्टच टाकत नाही कशात बहुदा  मला काहीच अट्रॅक्ट करत नाही जगरहाठीमधलं  ...
Read more
शैव इतिहासामध्ये आणि हिंदू परंपरेमध्ये कालिदास इतका महत्त्वाचा कसा काय ? श्रीधर तिळवे नाईक  Final शैव इतिहासामध्ये आणि हिंदू परंपरेमध्ये कालिदास इतका महत्त्वाचा कसा काय ? भाग एक श्रीधर तिळवे नाईक  युरेशियन लोकांनी सर्वाधिक हायजॅक केलेले जे काही शैव कवी आहेत त्यात कालिदासाचे नाव अग्रगण्य होईल तो इसवी सन पूर्व 150 ते 200 या कालखंडात जन्मलेला असावा त्याला गुप्त कालखंडात टाकण्याचा प्रयत्न युरेशियन लोक नेहमीच करत असतात परंतु हा प्रयत्न आता फसलेला आहे नवरत्नांच्यापैकी एक रत्न म्हणून दाखवणे हे सुद्धा त्यामुळेच येते पण "मालविका अग्नी मित्र " हे नाटक असे आहे की जे स्पष्टपणे तो अग्नी मित्राचा मित्र असावा असे सांगते हा शृंग कालखंडातला होता (बाबासाहेब आंबेडकरांच्या प्रतीक्रांती या संकल्पनेमुळे हा वंश वादळात सापडला असला तरी प्रत्यक्षात या वंशाने कधीही संस्कृतची पाठ राखण केलेली नाही त्यांचे सारे सारे शिलालेख हे प्राकृत भाषेत आहेत) आणि कालिदासाची बहुतांशी नाटके आणि कलाकृती प्राकृत आणि संस्कृत अशा दोन्ही भाषांनी बनलेल्या आहेत माझे स्वतःचे वैयक्तिक मत असे की मुलत: हा प्राकृतिक भाषेतच लिहीत हो...
Read more